大壹燒鵝 (MOSTown Street新港城中心大街(3期))

Open Now

Now Closed

疫情放緩之後，餐廳都開始多返人啦~我同朋友兩個人嚟到大壹燒鵝。仲記得細個個陣放學屋企人都會帶我食瀨粉下午荼呢！首先上嘅係香妃雞配叉燒瀨粉，香妃雞肉又香又滑，叉燒都軟嫩多汁，顏色鮮明，好高質呀。我仲叫埋鹹檸七，味道又甜又咸，仲有檸檬既清爽，好解渴呢~.而燒鵝飯嘅燒鵝實在太吸引，本身只係叫咗兩份套餐，但係我哋都忍唔住再叫多份燒鵝呢，燒鵝嘅肉同脂肪都多，皮脆肉嫩又多汁，食落好香但係又唔會油膩呀~好彩叫多一份，可以好好過下口癮，下次晚市可以嚟斬料送飯呢！