敏華冰廳 (瀝源廣場)

Open Now

Now Closed

之前喺其他地區有經過敏華冰廳，見到大排長龍，所以從來未惠顧過，直到瀝源邨分店開業了一段時間後，有一晚經過見到毋須排隊就去試下。晚上唔太想食飯麵，所以叫了一客 荷蘭煉奶西多士 ($29) 及 忌廉雞湯三色雜菜 ($16)。本身對西多士無大期望，因為現在不論在連鎖食店或舊式茶餐廳，經常都食到啲唔夠熱唔夠脆口而且好韌的西多士。但在敏華冰廳叫的這份西多士，除了熱辣辣，也有蛋香，外層微脆，咬落都唔會死實實，已經合格有餘。美中不足係內層無花生醬 (可能就算有都食唔出)。至於個忌廉雞湯三色雜菜，唔明白點解叫忌廉雞湯，因為似清雞湯。但還好啲雜菜份量唔少，$16 已經算有個交代。