一鍋堂 (XX Arcade) (Closed)

我真係好中意打邊爐，今次跟朋友lunch時間來到旺角的一鍋堂！這間位於XX Arcade的一鍋堂，環境都好大，座位都幾多，一入門口位置已經是自助區，有飲品、蔬菜的大雪櫃，亦有餐前小食、麵類可以在自助區拎！湯底亦有多個選擇，而今次就選了一鍋潮汕湯，這個湯用上大地魚、蝦米、豆卜、咸菜、芹菜等，湯底鮮甜，又帶有胡椒味，帶有微辣，食得過癮！火鍋材料方面用手機落單，而且款式都好多！肉類牛肉亦有多個部位可以選擇，封門柳、美國安格斯牛肉、牛板腱、牛脷心托等，當中封門柳肉質較鬆軟，味道較濃！亦有西班牙栗飼豬和羊肉可以揀！另外有多款丸類、餃類、蔬菜可以選擇，當中有款紅菜頭墨魚滑，溝上顏色幾特別！還有款三色的墨魚片，食落都幾彈牙！飲品方面有自家製茶飲、亦有汽水、紙包飲品等！他們亦有軟雪糕可以點呢！