Video
Read full review
2024-03-06
9 views
工作左成日，放工一定想放鬆下，作為媽媽都一樣，間唔中都要放鬆下，約朋友食飯飲杯野都係不錯嘅選擇！早排跟朋友去了一間很熱鬧的 Sake Bar 居酒屋，7點多已經坐滿，中間有張十多個座位的吧枱，方便專業嘅唎酒師介紹唔同嘅清酒！佢哋有過百款時令清酒，可以自己揀選，或者揀清酒 Freestyle，自己揀選 Budget、杯數、喜歡嘅味道及口味，唎酒師就會推介合適嘅清酒🍶酒未到，先來了可愛嘅餐前小食，同餐廳Logo 一樣都係貓貓圖案，係佢哋係日本特別搵返嚟架！貓貓餅入面係海鮮沙律，配紫薯蓉！重點當然係清酒啦，我哋每人都試左幾款🌟 江戶開城 雄町 純米吟釀🌟 忠愛 播州愛山 中取 純米大吟釀🌟 長良州 DRY FRUITY 🌟 寶船浪之音 純米大吟釀🌟 水尾 特別純米酒🌟 平井六右衛門 心星每款都有唔同嘅果香、花香味，好獨特，唎酒師每款都有輕輕介紹，等我哋了解多啲！最特別係 Librom 大檸樂，呢款係新式有氣清酒，仲係香港限定，喺青檸及可樂嘅味道，好特別！有美酒當然唔少得美食啦，估唔到佢哋嘅嘢食都好得😂😂特別係雞類嘅串燒，原來係每日新鮮處理架！另外仲有 crossover 左兩姊妹涼皮嘅麻辣系
早排跟朋友去了一間很熱鬧的 Sake Bar 居酒屋，7點多已經坐滿，中間有張十多個座位的吧枱，方便專業嘅唎酒師介紹唔同嘅清酒！佢哋有過百款時令清酒，可以自己揀選，或者揀清酒 Freestyle，自己揀選 Budget、杯數、喜歡嘅味道及口味，唎酒師就會推介合適嘅清酒🍶
酒未到，先來了可愛嘅餐前小食，同餐廳Logo 一樣都係貓貓圖案，係佢哋係日本特別搵返嚟架！貓貓餅入面係海鮮沙律，配紫薯蓉！
重點當然係清酒啦，我哋每人都試左幾款
🌟 江戶開城 雄町 純米吟釀
🌟 忠愛 播州愛山 中取 純米大吟釀
🌟 長良州 DRY FRUITY
🌟 寶船浪之音 純米大吟釀
🌟 水尾 特別純米酒
🌟 平井六右衛門 心星
每款都有唔同嘅果香、花香味，好獨特，唎酒師每款都有輕輕介紹，等我哋了解多啲！
最特別係 Librom 大檸樂，呢款係新式有氣清酒，仲係香港限定，喺青檸及可樂嘅味道，好特別！
有美酒當然唔少得美食啦，估唔到佢哋嘅嘢食都好得😂😂特別係雞類嘅串燒，原來係每日新鮮處理架！另外仲有 crossover 左兩姊妹涼皮嘅麻辣系列料理都值得一試👍
🌟 胡麻唐掦炸雞
炸得外脆肉嫩，胡麻係個精粹，小少辣辣地，幾惹味！
🌟 牛油烏賊牛肝醬炒魷魚
佐酒必點菜！魷魚彈牙有咬口，配埋特製醬汁，不錯！
🌟 麻辣風鮟鱇魚干
用上姊妹涼皮嘅麻辣，鮟鱇魚好滑又唔腥，配上麻辣真係特別夾又好味！
🌟 鱈白子醋物
新鮮嘅鱈白子，配上特製醋汁，開胃又好佐酒！
🌟 季節刺身四點
刺身好新鮮，帶子爽口又大件，生蠔又夠肥美！
🌟 燒馬友一夜干
燒得外脆又金黃，肉質嫩滑，帶有少少咸香味，很有驚喜！
🌟 燒飯團茶漬飯 (三文魚)
每次居酒屋我都必點嘅燒飯團茶漬飯，因為要食啲飯先可以飲酒，而且茶泡飯真係特別好味！
🌟 雞皮串、雞心喉串、雞腎串
全部都係用備長炭燒的，第一次食雞心喉，好爽口！
Post
