Video
Read full review
2022-11-07
1850 views
今日老公嚟接我收工，一如既往上車嘅第一句佢都係問我:今晚食咩啊老婆？我話今日開始有冬天嘅氣息，聽日都立冬囉～想飲個燉湯食個小炒，兩個人都異口同聲咁講咗句：路邊雞！一入到餐廳已經座無虛席，好彩咁啱有人埋單又有兩個位，唔駛等就係快其實菜式選擇唔多，不過食過好幾次都好出色，今次燉湯都係揀川芎天麻燉豬腦，老公就揀燉響螺，睇一睇原來已經有羊腩煲，不過今日天氣未算最凍，等遲啲再凍嗰幾日先過嚟試佢羊腩煲喇落完order去完個廁所返嚟就即刻有湯飲，熱辣辣好多人都好怕食豬腦，其實計我話你一年食得幾多次啊，咪當俾個quota自己一年飲兩次燉豬腦囉本身想影埋老公個燉響螺湯，點知佢把佛印咀轉眼間已經飲咗半碗仲叫咗個脆奶拼芝心蝦丸，老公話成日叫埋啲小朋友菜，我就話你唔識欣賞啦，點知上枱你咪又係同我爭食脆奶炸到熱辣辣脆卜卜，出面層炸漿又薄，咬落去真係好有滿足感。芝心蝦丸咬落去爆芝士，雖然話要趁熱食，但係都要小心呀仲叫咗個XO醬小炒王，今次就炒得太油太濕啦，唔係好啱食，下次都係叫返普通小炒王。不過成碟菜令我最驚奇嘅就係，上面有一個好大舊嘅檸檬，但碟菜又冇酸味有冇檸檬味，究竟呢個檸檬嘅作用係啲乜嘢呢？雖然係為咗佢個燉
我話今日開始有冬天嘅氣息，聽日都立冬囉～想飲個燉湯食個小炒，兩個人都異口同聲咁講咗句：路邊雞！
一入到餐廳已經座無虛席，好彩咁啱有人埋單又有兩個位，唔駛等就係快
其實菜式選擇唔多，不過食過好幾次都好出色，今次燉湯都係揀川芎天麻燉豬腦，老公就揀燉響螺，睇一睇原來已經有羊腩煲，不過今日天氣未算最凍，等遲啲再凍嗰幾日先過嚟試佢羊腩煲喇
落完order去完個廁所返嚟就即刻有湯飲，熱辣辣好多人都好怕食豬腦，其實計我話你一年食得幾多次啊，咪當俾個quota自己一年飲兩次燉豬腦囉
本身想影埋老公個燉響螺湯，點知佢把佛印咀轉眼間已經飲咗半碗
天麻川芎燉豬腦
$42
122 views
0 likes
0 comments
仲叫咗個脆奶拼芝心蝦丸，老公話成日叫埋啲小朋友菜，我就話你唔識欣賞啦，點知上枱你咪又係同我爭食脆奶炸到熱辣辣脆卜卜，出面層炸漿又薄，咬落去真係好有滿足感。芝心蝦丸咬落去爆芝士，雖然話要趁熱食，但係都要小心呀
脆奶拼芝士蝦丸
96 views
0 likes
0 comments
仲叫咗個XO醬小炒王，今次就炒得太油太濕啦，唔係好啱食，下次都係叫返普通小炒王。不過成碟菜令我最驚奇嘅就係，上面有一個好大舊嘅檸檬，但碟菜又冇酸味有冇檸檬味，究竟呢個檸檬嘅作用係啲乜嘢呢？
雖然係為咗佢個燉湯而嚟，不過好多其他菜式都好好食，兩個人始終食唔到太多，唯有下次等媽咪家姐返嚟香港嘅時候先一齊去食啦
Post
