味苑 (Closed)

響灣仔做完活動好肚餓, 呢條街好多都係酒吧, 直至行到地鐵站附近先有呢間中式餐廳, 餐廳內都幾多人, 應該不錯吧.中式餐廳用番傳統碗筷, 做完一輪野飲番杯中國茶好提神解喝.午餐時間主要有點心, 燒味飯等.選擇左散叫燒味雙拼, 油雞厚肉肥美, 但入口感覺不算肥膩, 雞皮仲幾香, 肉質新鮮軟滑, 唔會太老.燒肉亦唔算太肥, 薄薄一層脂肪, 咬落特別軟熟, 肉質幾夠滑, 燒肉皮夠脆口, 燒得幾香.另叫一碟炒飯, 份量都幾大, 飯一粒粒唔會炒到過火或太腍, 有D蝦米乾, 菜粒特別香.