太興 (加連威老道)

Open Now

Now Closed

有國內朋友來港旅遊，佢每次都要去太興食燒味和飲奶茶，今次當然不例外，好在大興都有好多分店，今日就去咗尖沙咀新開嘅金馬倫道分店，餐廳裝修時尚，門口廚窗掛咗燒味，特別吸睛就係剛剛出爐嘅燒鵝，店內寫明燒味都係現場燒製，真係好新鮮！乳豬例牌：極品化皮乳豬 · 每日現場燒製限量供應 ，豬皮燒到外皮又薄又脆，豬嘅油脂喺口中慢慢溶化，本身豬肉已帶微微鹹香，點少少乳豬醬更有畫龍點睛效果。瀨粉入口清香爽滑，湯底香甜，是燒味的好配搭！下午茶燒味套餐太興燒味八寶飯：八寶係燒鵝、叉燒、燒肉、切雞、油雞、燻蹄、紅腸、鹹蛋，可以一次過品嚐不同燒味，滿足到有選擇困難症的客人，燒鵝和燒肉皮脆肉香，叉燒、切雞、油雞肉嫩，真係各有特色和味道。冰鎮奶茶很香濃，把冰塊放在外面，而不是跟奶茶混在一起。這樣既可以保持冰凍，又不會影響奶茶的味道，超正的。鮮忌廉紅豆冰：鮮忌廉香滑，配上大大粒嘅紅豆，甜味適中。