Video
Read full review
2019-10-27
304 views
秋天既來臨，又到食串燒既季節，我同朋友不約而同都想試下日式串燒，於是選擇左非常近我地公司既燒烤堂。我地係7點左右黎到，人客唔算好多，侍應好快就帶左我地埋位，坐低冇幾耐，店員就幫我同朋友介紹幾款串燒，招呼十分良好。不得不提嘅係，而家適逢店舖周年紀念，啤酒係買一送一㗎 ！椒鹽燒雞軟骨 $16/串好快第一道菜就上啦，係椒鹽燒雞軟骨，雞軟骨燒得岩岩好，椒鹽既鹹味唔會太搶，用黎開胃真係恰到好處。雞肉更加唔洗講，非常之咁入味，包圍軟骨既雞肉入口即溶，好食到不行。芝士燒廣島蠔（2隻） $46/份之後就係芝士燒廣島蠔，肥肥仔既廣島蠔上面放上一塊引人犯罪既芝士，真係好吸睛呀!芝士既味道同蠔肉十分夾，配合新鮮既海水味，真係完美配搭。蒜茸燒廣島蠔（2隻） $46我哋見芝士廣島蠔整得咁出色，於是忍唔住試埋蒜蓉燒廣島蠔！呢款廣島蠔係連殼上碟，原汁原味架！青綠蔥花恰當咁遍佈蠔肉，好似同緊大家講，佢地係幾咁新鮮好味。而大大粒蠔肉被爆香蒜茸緊緊包圍，令人一試忘懷！香煎鹹蛋黃醬墨魚餅 $68/份另一款菜係香煎鹹蛋黃醬墨魚餅，清新既墨魚比香脆既炸皮包裹住，戰士般既墨魚餅著上鹹蛋黃醬金黃既戰甲十分之咁有氣勢，食落入口香脆
我地係7點左右黎到，人客唔算好多，侍應好快就帶左我地埋位，坐低冇幾耐，店員就幫我同朋友介紹幾款串燒，招呼十分良好。
不得不提嘅係，而家適逢店舖周年紀念，啤酒係買一送一㗎 ！
椒鹽燒雞軟骨 $16/串
好快第一道菜就上啦，係椒鹽燒雞軟骨，雞軟骨燒得岩岩好，椒鹽既鹹味唔會太搶，用黎開胃真係恰到好處。雞肉更加唔洗講，非常之咁入味，包圍軟骨既雞肉入口即溶，好食到不行。
芝士燒廣島蠔（2隻） $46/份
之後就係芝士燒廣島蠔，肥肥仔既廣島蠔上面放上一塊引人犯罪既芝士，真係好吸睛呀!芝士既味道同蠔肉十分夾，配合新鮮既海水味，真係完美配搭。
蒜茸燒廣島蠔（2隻） $46
我哋見芝士廣島蠔整得咁出色，於是忍唔住試埋蒜蓉燒廣島蠔！呢款廣島蠔係連殼上碟，原汁原味架！青綠蔥花恰當咁遍佈蠔肉，好似同緊大家講，佢地係幾咁新鮮好味。而大大粒蠔肉被爆香蒜茸緊緊包圍，令人一試忘懷！
香煎鹹蛋黃醬墨魚餅 $68/份
另一款菜係香煎鹹蛋黃醬墨魚餅，清新既墨魚比香脆既炸皮包裹住，戰士般既墨魚餅著上鹹蛋黃醬金黃既戰甲十分之咁有氣勢，食落入口香脆，咬落又彈牙，非常過癮，可以話係有今生冇來世。
Prime 牛小排 （美國頂級）$48/串
Prime 牛小排？我哋聞說美國向來會按牛肉嘅油花分布，同埋牛隻屠宰時嘅年齡，將肉質分為八個等級。Prime指嘅係「頂級」，屬於牛肉品質最高級別！我哋見呢款牛小排可以獲評咁高等級，當然都忍唔住叫返幾串試下。烤至全熟嘅無骨牛小排，除咗口感細緻豐富之外，仲多左層挑動味蕾嘅香醇風味，簡直叫人齒夾留香。
腐皮餃子（四件）$38/份最後一道菜係腐皮餃子。話說我呢個朋友超鍾意食腐皮，但腐皮餃子就真係第一次聽。我哋原本以為呢種餃同平時食開個啲水餃好似，但估唔到原來佢係煎餃嚟㗎喎！煎到香噴噴嘅腐皮，包住餣得夠哂入味嘅肉碎，冬菇同馬蹄粒，非常有嚼頭！朋友食完之後，都忍唔住大讚甘香彈牙呀！
食咗咁多道菜之後，我同朋友都捧住個大肚腩離開。
我哋兩個都約定，下次秋意上心頭嘅時候，一定要再黎呢度，風雅咁食住串燒，細細把酒談心。
Post
