炑八韓烤親子餐廳

Open Now

Now Closed

今日同行有小朋友， 所以決定去親子餐廳， 最後揾左呢間坐落於觀塘碼頭旁邊嘅韓國燒烤有play room，又有韓式服裝替換，十分好玩。釜山海之旅行套餐，$862。 係一款包羅萬有嘅燒烤套餐， 基本嘅豬牛雞海鮮蔬菜樣樣都齊， 而且質量仲十分高！釜山八爪魚絕對係 呢個set嘅主角， 原隻八爪魚用經典韓式醬料醃製之後非常惹味。燒好咗嘅八爪魚多汁彈牙！去個釜山嘅都知道釜山嘅鰻魚十分出名， 呢度嘅鰻魚經過燒烤之後皮脆多汁， 咬落啖啖油香。醬油五花肉同韓牛前胸肉係另一大亮點， 燒好之後加蒜片同燒烤醬汁配搭生菜食非常好味。有爐邊蛋同埋芝士粟米 都係呢度燒烤嘅一大特色。蔬菜南瓜車十分應節， 造型十足又好味。