和牛燒肉‧純 (Moved) New Location

飛驒和牛成日都聽人講，自己一次都冇試過，韓牛之前就試咗，同大少講想試下飛驒牛，大少話同事介紹呢間幾唔錯，今日收早，大少一早訂咗位，可以去食返餐正嘢！嘿嘿舖面地方唔算大，好彩有訂位，如果唔係就冇得食喇！我地雖然坐吧枱，但枱面好闊落，而且感覺好日本feel！登登登登~ 飛驒牛，我地叫咗3個唔同部位，再加雞肉，因為聽人介紹雞肉都幾唔錯~和牛上牛排肉，粉紅色，燒完有好多油，但入口唔會好肥膩，肉汁超多，有入口亦溶嘅感覺。和牛肉眼，同一般美國，澳洲肉眼唔同，都係入口即溶，粉紅色，薄薄一片，輕輕燒一燒已經好好食。再黎和牛紅肉~ 鮮紅色，呢隻更加唔需要燒得耐，入口有咬口，同埋肉味較濃，比較冇咁膩。最後係日本雞肉，真係燒完都仲好滑，好香雞味，又唔會有一陣腥味，唔錯。燒完嘅牛肉，超多汁，同埋好香口，真係值回票價！一人叫咗杯soda，天氣太熱喇。最後，侍應姐姐俾咗杯麥茶我地，話可以解膩，都幾好飲架！總結：牛肉質素高，店舖雖小，但服務親切。