大丼家燒烤牛丼專門店 (Closed)

依家大家食晚飯都相當頭痕，因為唔係屋企食就要買外賣返屋食，外賣來來去去又係嗰幾間成日都冇啲新意，係呢段時間大家都激發左唔少搵啲好食小店嘅力量，呢間大丼家都係朋友介紹我去食。還是而家做緊個抗疫二人餐，兩個飯又或者係拉麵加埋汽水都係$99。一嚿水唔駛就有兩個日式丼飯，呢個時勢都算係咁😞黑咖喱吉列豬扒飯咖喱汁香濃，雖然豬扒一開四，但外賣攞到返屋企都依然香脆，兼且飯量十足。香辣燒牛肉飯燒牛肉配上佢哋個香辣醬，成件事變得惹味好多，嚟撈飯一流，但可惜個醬汁唔係太多。牛肉飯旁邊仲配咗少少蔬菜，食落就健康啲啦🤪🤪