YAKINIKU KAKURA (元點)

Open Now

Now Closed

約元朗嘅朋友食晚飯，今次介紹朋友食元點商場呢間日式燒肉，餐廳以卡座為主坐得舒適，店員安排一張圓枱在一間包箱內更舒服，朋友對於選擇係有一點困難，店員推介OMAKASE係唔錯選擇。前菜有沙律菜新鮮爽脆，泡菜三點盛係傳統泡菜、青瓜、大根，朋友就覺大根係最好食。燒肉有塩味上牛舌好爽彈又唔會乾，蔥鹽味若雞無乜脂肪，燒起上嚟皮脆而香。大判燒！黑毛和牛西冷係必食，若是散點都一定要食，脂肪比例均勻，油花滿滿一燒香氣溢出，非常嫩滑肉味濃。另外係和牛腹柳小排及和牛裏腹小排兩部位，都是高級數的，肉比大判燒厚身，同樣油香豐富。冷麵有兩小碗，同樣不能錯過酸酸甜，涼涼地解膩一流，食晒所有食物，店員會送上甜品。燒肉店質素好，環境好，服務好，價錢合理。