肉料理 廣

Open Now

Now Closed

今日接女朋友收工去食午餐，話說佢太多假要清，所以今日請左半日假。lunch time好少出銅鑼灣食飯，搵左一間日式燒肉餐廳，食個燒肉午餐。餐廳主打飛驒牛，聽到都好吸引啊！我地叫左A5日本飛驒牛燒肉定食和壺漬燒肉定食。餐廳通風系統都幾好，食完都無一身燒肉味，而且都有充足冷氣！空間感又大，唔會好逼。A5和牛油花豐富，入口牛肉味道極為濃香，而且用上簡單鹽和胡椒調味，已經好足夠。套餐有8片和牛，由於油花非常豐富，所以女仔黎講都好夠飽。壺漬燒肉好吸引，師傅先調味醃製好，放入壺中，入面有洋蔥蒜片，加上牛肉。我揀左牛小排和橫膈膜，肉質香嫩，牛肉味道同樣濃香，質素中上，非常驚喜。餐廳話白飯可以添，我即刻叫左多一碗飯配燒肉，非常滿意！最後套餐包左甜品，我揀左芝麻雪糕，女朋友揀左紅豆雪糕。