Beefar's 鹿兒島燒肉

Open Now

Now Closed

點解我咁遲先知依度燒肉咁好食🤭🤭我好少去酒店餐廳入面食嘢，但我朋友話依度好食過牛x個d，價錢貴少少咋，又唔洗等一個中枱！叫左一碟牛舌，一碟牛赤肉盛合同一碟帶子蟹肉三文治。牛舌佢入面有葱，會令到成件事香好多，燒個陣已經有陣陣葱香，咬落去口感突出，牛舌厚度適中牛赤肉盛合係店員推介，佢既牛肉好高質，脂肪比例平均，令到入口即化，同時有牛肉香，唔係淨係得個油字帶子蟹肉三文治厚肉帶子同蟹肉蟹膏配合，以一口咬入口，口感豐富，同時一解牛肉的油膩感。講左咁多有d肚餓，依度仲有得免費拎雪糕食！坐又坐得舒服，仲有圍裙比我擋油，好貼心！