蠔燒

Open Now

Now Closed

今日去咗牛頭角燒烤店～蠔燒～，有驚喜呀。特別係黎到~蠔燒~點可以唔食既🦪燒蠔🦪，超級鮮甜，每隻蠔都好大隻，加上滿滿既秘製蒜蓉醬，真係食唔停口。其他串燒都好正。台灣地道腸Juicy 啖啖肉。燒魷魚鬚10串，好彈牙。蒜蓉豆皮同蒜蓉香菇，豆皮爽口包住蒜香十足既蒜蓉，一咬啲汁流哂出黎，香菇都一定多汁。🥰如果鍾意牛，牛肉串同燒牛舌真係唔可以錯過。牛肉串燒得剛剛好，鎖住肉汁，而牛舌肉滑嫩。蜜糖雞翼，燒得香脆，肉質鮮嫩。最後叫左奶香小饅頭做小甜品，鬆軟香甜，淋上鍊奶朱古力粉，sweet。有多好味串燒，最好梗係飲返罐啤酒，但揸左車，唯有飲可樂，chur 返啖氣。如果你係燒烤控，一定要嚟試下。