一盅點心

Open Now

Now Closed

今晚飲茶當食飯，收工返屋企就係樓下點心舖食。見近排好似主推“世一燒賣拼盤”，覺得幾得意，就點佐來試下。一個拼盤有成12件燒賣，款款都唔同，有鵪鶉蛋燒賣、鮑魚燒賣、墨魚燒賣等等，食完仲想繼續想食其他款。一人點佐一個燉湯，花旗參蟲草花燉雞湯、螺片燉竹絲雞湯，夠住家feel，足料，湯水清甜。個燉湯可以同蒸飯一齊當套餐點，68蚊都幾抵食。其他小食必點煎釀虎皮椒（尖椒入邊鯪魚肉煎得好香，食完再打包一份帶翻去比屋企人食）同黑金流沙包。同好耐無約噶朋友見面，約來飲茶確實好選擇，呢度坐得都夠舒適。