Video
Read full review
2023-04-30
1559 views
豪隍點心工房一向係出名嘅觀塘美食 第二間分店揀咗係太古城中心嘅Foodcourt - Carnival即刻試試佢🤪整體食物唔錯 埋單兩個人食到捧住個肚走大概$350以下逐款點心點評📝蝦腸： 滑，皮薄，蝦彈牙鮮味 而且賣相好靚 分好6舊 每舊入面都一大隻蝦🦐方便食客夾起燒賣：張相可能睇唔出粒燒賣有幾大粒 佢一籠就得兩粒 每粒都好似中咗幅射咁巨型第一下覺得好抵 咁大件好抵食🤨平時啲燒賣變咗2粒一籠嘅話計返都係貴啲但其實點心放大咗係唔好食 而且太撐肚浪費咗quota 食唔到更多點心 仲有粒燒賣有原隻蝦🦐食完蝦腸再食燒賣已覺得食蝦得到好膩蝦餃： 又係巨型到痴咗線😂燒賣大舊都覺得有口感蝦餃放大真係唔係好夾❌雖然皮都算薄 放大咗就無咗點心精緻嘅感覺炸饅頭：睇相都睇得出炸得好靚仔 可惜個包本身偏乾偏硬 唔算好食🧐生煎包：呢個係最唔得 一睇個包已經唔覺得有生煎 仲要個內餡都偏少 調味一般❌XO醬煎蘿蔔糕： 不錯 煎得香 XO醬又唔會得兩Pat🤪長型春卷：炸得夠香 形狀好獨特 呢個幾推薦大家叫 條青瓜係唔知發生咩事😂玄米茶：平時大家去飲茶鍾意嗌咩茶？🫖有唔少人都唔鍾意太濃烈嘅茶 呢間有多個玄米茶揀 多
豪隍點心工房一向係出名嘅觀塘美食
第二間分店揀咗係太古城中心嘅Foodcourt - Carnival
即刻試試佢🤪
整體食物唔錯 埋單兩個人食到捧住個肚走大概$350
以下逐款點心點評📝
蝦腸： 滑，皮薄，蝦彈牙鮮味 而且賣相好靚 分好6舊 每舊入面都一大隻蝦🦐
方便食客夾起
燒賣：張相可能睇唔出粒燒賣有幾大粒
佢一籠就得兩粒 每粒都好似中咗幅射咁巨型
第一下覺得好抵 咁大件好抵食🤨
平時啲燒賣變咗2粒一籠嘅話計返都係貴啲
但其實點心放大咗係唔好食 而且太撐肚
浪費咗quota 食唔到更多點心
仲有粒燒賣有原隻蝦🦐
食完蝦腸再食燒賣已覺得食蝦得到好膩
蝦餃： 又係巨型到痴咗線😂
燒賣大舊都覺得有口感
蝦餃放大真係唔係好夾❌
雖然皮都算薄 放大咗就無咗點心精緻嘅感覺
炸饅頭：睇相都睇得出炸得好靚仔 可惜個包本身偏乾偏硬 唔算好食🧐
生煎包：呢個係最唔得 一睇個包已經唔覺得有生煎 仲要個內餡都偏少 調味一般❌
XO醬煎蘿蔔糕： 不錯 煎得香 XO醬又唔會得兩Pat🤪
長型春卷：炸得夠香 形狀好獨特 呢個幾推薦大家叫 條青瓜係唔知發生咩事😂
玄米茶：平時大家去飲茶鍾意嗌咩茶？🫖有唔少人都唔鍾意太濃烈嘅茶 呢間有多個玄米茶揀 多個選擇
紅油炒手： 無影到相 又係唔知發生乜事 巨型到以為食緊主食咁大份⋯⋯ 味道無問題不過飲茶都唔駛叫佢😂
✨ 豪隍點心工房 (太古)
📍太古太古城道18號太古城中心2樓255號（即係Foodcourt Carnival）
Post
