裕記大飯店

Open Now

Now Closed

星期六晚去左深井裕記大飯店食燒鵝！7:00前到，5大1小唔駛等位即時入座，估唔到！環境就如一般中式飯店，尚算企理。叫左半隻燒鵝、蟹肉扒西蘭花、京都肉排、五福拼盤（滷水拼盤）、沙嗲金菇粉絲海皇煲。燒鵝外皮香脆，肉質唔鞋，點酸梅汁惹味。蟹肉扒西蘭花，西蘭花唔夠淋，個人比較喜歡淋身。京都肉排，豬扒夠淋，味道不俗。滷水拼盤各有特色，不過海蜇比較辣。沙嗲金菇粉絲海皇煲，比較失色，賣相一般。整體黎講都可以，不過以呢個價錢，仲要山長水遠入深井黎講，真係要考慮下。