甘饕 (Closed)

🔺甘饕 (銅鑼灣)今日老公放假同佢出去買bb 衫，順便呼吸下新鮮空氣～諗住食個快飯之後早d 返返屋企睇返個寶貝👶🏻老公想食燒味飯果類，見到呢間出名食燒鵝既餐廳，點知呢餐咁好味😋🔻二人套餐（$338）🔸溏心皮蛋酸薑既酸甜度適中，唔會酸到逐親，皮蛋流心好靚，連埋酸薑一齊食超夾。🔸甘饕燒鵝一碟燒鵝肥瘦適中，皮香肉嫩，食落去有油脂香但唔會覺得肥膩，燒鵝汁調味岩岩好唔會太濃味搶阻燒鵝味，點少少酸梅醬仲開胃，食完一舊又想食下一舊。🔸滷水豬腳仔豬腳仔入味，皮爽肉滑，唔會太淋有咬口。🔸白灼時菜今日係菜心，菜心勁嫩又多水，蠔油似係自己調過味，食落唔似平時食果d 蠔油咁咸，呢個點菜岩岩好。🔸白飯或粉麵揀阻一碗白飯，一碗瀨粉，e+瀨粉好少地方做，以前最中意燒味配瀨粉食～🔸例湯兩碗今日係合掌瓜，個湯好濃好足料，飲完唔頸渴，好似住家湯咁好好味。