新記燒鵝叉燒皇

Open Now

Now Closed

早上去元朗做嘢，做到成1點鐘先走得，已經好肚餓，睇吓附近有咩食，行經安寧路見有人推銷就入咗去呢間新記燒鵝叉燒皇，飯店裝修新整，應該係新開業，睇吓餐牌都唔算平，叫咗招牌貨燒鵝叉燒飯送例湯，例湯都唔錯。燒鵝叉燒飯，燒鵝比咗胸位啖啖肉，不過份量就真係好似少咗啲，燒鵝鵝肉有味，皮脆有油香。叉燒都好食，肉質鬆軟夠味，唯獨又係份量太少。加杯凍咖啡要加8蚊，咖啡合格。元朗呢區嚟講，呢間燒味算係中上，但定價就進取咗少少，份量又唔進取，雖然味道唔錯，但唔難怪點解無乜客。