聚豐燒鵝小廚

Open Now

Now Closed

近排工作比較忙碌，返到屋企已經好晏，所以約朋友食埋飯至返屋企。由細到大都好鍾意食燒味，尤其係燒鵝，所以一嚟就點份燒鵝先，我地揀下庄（$140），另外點咗日式醬油炒飯（$108）同埋海皇雜菜煲（$88），再飲咗支五花茶（$23）。先講燒鵝，隻鵝脾大大隻啖啖肉，燒得皮脆肉香，而且皮下油脂頗豐腴，令人無法抗拒！日式醬油炒飯份量超級大方，我地每人都食咗好幾碗😆 炒飯粒粒分明，炒得有鑊氣，加埋木魚絲嚟食，回感更豐富。海皇雜菜煲入面既海鮮同蔬菜種類都非常多，而且仲有唔少粉絲，加埋變得滿滿一大煲，健康得嚟又可以中和返燒鵝既油膩感。五花茶用料天然又冇防腐劑，飲落好放心~