新志興至尊燒鵝大王

Open Now

Now Closed

兩個人食五碟餸都米話唔勁﹗黎得呢間梗係要試佢嘅燒鵝啦。例牌燒鵝兩個人食啱啱好，真係燒到皮脆肉香，而且佢層皮真係好薄，又唔會太肥，果然係招牌菜。沙薑豬手就真係麻麻地，最敗筆係一D都唔入味，沙薑還沙薑豬手還豬手，呢個唔推薦。黃金苦瓜都唔錯，不過如果層鹹蛋黃可以薄D應該效果會更好。豆腐斑腩煲都幾好食，豆腐夠香滑，斑腩外面層粉都算薄，可惜唔夠惹味。鮮魷蒸肉餅D鮮魷幾好食，不過肉餅太薄，咬落去唔係太好feel，肉餅始終要厚返少少先好食。總結係燒鵝掂其他野(起碼呢4款)只屬一般。