棋哥燒鵝餐室

Open Now

Now Closed

自從上次食過棋哥燒鵝之後，老公對佢讚不絕口，去銅鑼灣行街又一次經過 聞到香噴噴嘅燒鵝味，忍唔住衝入去食個快飯。燒鵝五寶飯簡直係一次過滿足晒五個願望，老公個人好傳統，而且又係飯桶一名，佢真心鍾意食燒鵝、叉燒、紅腸、鹹蛋，而家仲有埋豉油雞添！碟飯一嚟到熱辣辣香噴噴，相機食先，賣相吸引，肥美有光澤的燒鵝。肉質鮮嫩多汁，鵝味濃郁，入口皮脆，滲出一陣陣的鵝油香味。叉燒肥瘦適中、紅腸童年回憶、鹹蛋香、豉油雞加自家製蔥油，真係白飯都食到兩碗，回味無窮。餐肉三文治我就清清地食返件餐肉三文治，厚切餐肉味道好，餐室之經典美食。最後嘆番杯凍檸茶，然後繼續shopping之旅。