稻成京川滬 (新都會廣場)

Open Now

Now Closed

服務態度實在地獄，影響店舖聲譽。收人$70幾蚊服務費唔值呢個價，竟然食到受氣極點。服務員十問九不應，問完一個問題竟然可以調轉頭，反智轉身，就走咗去。需要再搵第二個人落單。上菜時大大聲好似大排檔咁叫人彈開，時不時個職員會撞到櫈背加個客個手踭。上菜次序完全無詢問過客人。眼見全枱都係菜，唔收碟就立即上酸菜魚，那時竟然叫個客幫手上菜，移走外餘的碟子。個職員係唔係有問題？咁大碗嘢仲熱辣辣叫個客180度旋轉反手在上菜，完全有燙傷風險。全程餸菜會上碟但係冇人會主動收嘢，張枱細就叫個客自己諗掂佢，全程無換碟。飲曬茶，提醒過服務員，依然全程都係無加過茶的。其實今時今日差唔多收人幾百蚊一個人, 但係服務仲差過大排檔/茶餐廳，唔係話食客大曬，但真係對啲客好似乞衣咁樣，咁不如就轉行做快餐算啦。