Video
Read full review
2024-03-06
51 views
係銅鑼灣皇室堡睇完戲又到晚飯時間，上左皇室堡上面睇下有咩餐廳。行到3樓果時見到原來新開左間 ROYAL INN，咁就試下新野。餐廳裝修採用傳統歐式宮廷風格設計，正門有一個古羅馬羅馬噴泉，其他仲有水晶吊燈同沙發，感覺非常華麗。法式芝士焗生蠔(香脆煙肉)($28/隻)芝士焗生蠔做緊優惠，$28一隻緊係要試下。焗生蠔焗嘅時間控制得好好，生蠔可以保持住本身嘅鮮甜，唔怕焗到縮晒水，而芝士同煙肉唔單止無蓋過蠔嘅鮮味，反而令到生蠔係口感同味道上更加有層次。即開新鮮時令生蠔 ($48/隻)食完焗蠔當然要叫埋生蠔試下喇。今日生蠔係由西班牙進口。生蠔比焗蠔更大隻，而且入口有淡淡海水味，加埋cocktail sauce 同檸檬汁，鮮甜程度係焗蠔嘅幾何級數，性價比好高。紅酒燴牛肋肉意大利飯 ($158)意大利飯煮到軟硬適中，粒粒飯都包住香濃紅酒汁。而牛肋肉炆到好淋之餘又唔怕散晒。味道同賣相都好好。燒三文魚香草忌廉手工戒指意粉($168)餐廳採用挪威刺身級三文魚。三文魚用慢煮方法煮熟，以保持魚肉嫩滑，再將魚皮煎到金黃香脆。手工戒指意粉好特別一粒粒而且煙韌有咬口，加上香草忌廉汁，口感豐富。提拉米蘇($68)提拉米
餐廳裝修採用傳統歐式宮廷風格設計，正門有一個古羅馬羅馬噴泉，其他仲有水晶吊燈同沙發，感覺非常華麗。
法式芝士焗生蠔(香脆煙肉)($28/隻)
芝士焗生蠔做緊優惠，$28一隻緊係要試下。焗生蠔焗嘅時間控制得好好，生蠔可以保持住本身嘅鮮甜，唔怕焗到縮晒水，而芝士同煙肉唔單止無蓋過蠔嘅鮮味，反而令到生蠔係口感同味道上更加有層次。
即開新鮮時令生蠔 ($48/隻)
食完焗蠔當然要叫埋生蠔試下喇。今日生蠔係由西班牙進口。生蠔比焗蠔更大隻，而且入口有淡淡海水味，加埋cocktail sauce 同檸檬汁，鮮甜程度係焗蠔嘅幾何級數，性價比好高。
紅酒燴牛肋肉意大利飯 ($158)意大利飯煮到軟硬適中，粒粒飯都包住香濃紅酒汁。而牛肋肉炆到好淋之餘又唔怕散晒。味道同賣相都好好。
燒三文魚香草忌廉手工戒指意粉($168)餐廳採用挪威刺身級三文魚。三文魚用慢煮方法煮熟，以保持魚肉嫩滑，再將魚皮煎到金黃香脆。手工戒指意粉好特別一粒粒而且煙韌有咬口，加上香草忌廉汁，口感豐富。
提拉米蘇($68)提拉米蘇非常香滑細膩，咖啡、忌廉同可可粉嘅比例岩岩好，唔會太甜或太苦。
無論賣相定係食物質數，ROYAL INN都好高水準，喜歡西餐嘅朋友都可以黎試下。
Post
