爆丼屋 (Moved) New Location

人氣爆丼屋終於爆出旺角，今次係 Megabox 開分店。入到去用QR點餐非常方便，而且丼的款式多，亦有其他丼以外的選擇。三色海膽丼盛作為海膽迷真係要會一會佢，海膽多到一個點。點餐描述就話兩款日本海膽，一款韓國海膽，總之就係滿滿海膽。近睇海膽既質感絕對令人著迷，每一口都係海膽，食到你懷疑人生，正！火焰盛丼帆立貝，左口魚裙邊，松葉蟹棒，三文魚全部炙燒香噴噴，連飯都一樣散發住灸燒香味。松葉蟹棒配沙律醬無得輸，左口魚裙邊油脂夠晒豐富，帆立貝同三文魚灸燒恰到好處，唔會令人覺得過左火。其實個碗真係會令你懷疑個份量係咪好少，但食食吓又真係唔少喎。