爆丼屋 (Moved) New Location

火焰盛り丼💰165本身個生蛋，我轉左玉子燒，因為我覺得玉子燒夾啲，但個飯本身無汁就會dry啲。所有魚生都燒得好香，特別個帶子好新鮮好爽口，不過左口魚就好小小腥，同埋有個個筋位好難咬。勁多料不過啲飯都勁多，食哂啲魚都仲有半碗飯，啲飯係有有加醋嘅壽司飯。爆盛慢燒牛肉丼💰148個飯好多汁唔會好乾，啲肉嘅口感好好，好𣺉好軟好好咬，不過啲肉本身味道唔係好夠，但加埋白色個啲汁同豉油就啱啱好，整體都幾好，啲飯就無魚生飯個碗咁多，反而啱啱好食得哂無諗過食牛肉會好過食魚生，整體味道中上，但價錢就太貴，所以cp值唔高。