金牌小龍 (Closed)

尖沙咀isquare比人感覺都係食貴野，但經過呢間餐廳，睇睇餐牌d價錢一d都唔貴，於是入去試吓。入面裝修得好green,完全唔似食台灣野，好有fusion感覺。金牌小籠-以招牌名命名係冇錯，真係招牌菜，皮薄，入面d湯汁勁多，咬開小小，d湯汁已經爆出，有成隻湯匙咁多汁，d湯汁好濃郁，d肉饀好嫩滑，非常好食。水煮魚-魚片份量勁多，d水煮汁唔算太辣，仲有勁多粉條同大豆芽做配菜，d配菜同魚吸收晒d精華，非常惹味。台灣紅燒牛肉麵-d牛展滷得好入味，又唔會滷過頭冇口感，煙煙韌韌好好食，而d麵都好彈牙，唔會太淋，呢碗麵嘅湯底都好出色，好濃郁嘅牛肉味，飲完都完全唔口渴，證明冇加味精。米椒牛肉-呢個餸都係辣辣地，d牛肉片炒得好嫩滑，一d都唔鞋，送酒一流。鹽酥雞塊-雞粒炸得好酥脆，唔會炸過火炸到乾晒，入面d雞肉仲好juice,似足台灣街邊小食。台式滷肉飯-上面佈滿勁多肉碎，仲有菜鋪同半隻滷蛋，d飯吸收晒d滷肉汁,非常惹味，好好食，隻蛋都滷得非常出色。