Video
Read full review
2012-11-20
86 views
今晚台慶，早少少過九龍城食 d 野，跟住去買大閘蟹成晚就係咁，一邊食蟹一邊睇電視 ，台慶做完都仲未食完而今日我地o既小小下午茶選址係清真牛肉館 , 介紹妳食牛肉餅叫左份點心 + 湯類o既套餐 , 一碗清真蝦肉雲吞 , 食落都幾飽 ~1. 牛肉餅~ 下單不夠三分鐘就上枱 , 新鮮煎起 , 又燙手又燙口 , 尤其係 d 湯汁令我又愛又恨 , 愛佢o既清甜美味 , 恨佢o既無從入手 / 入口 ,即使你幾小心幾謹慎幾輕力咬開丁點外脆內煙韌o既餅皮 , 都仍然逃不過被溢出o既湯汁燙到 , 如果怕 ... 想放涼先食 ,咁湯汁就會浸泡餅皮 , 餅皮一旦變軟變腍 , 就好容易會穿 ,到時莫講話輕力咬 , 可能就咁夾起 , 就己經漏晒 d 汁出黎 , 所以話 , 呢個比高水準小籠包更灌湯加爆汁o既牛肉餅 , 真"難食"!!多咬兩口 , 免治牛肉餡軟綿綿的 , 肉汁豐腴 , 又再度挑戰舌頭耐熱程度 , 開始無辨法完整一口一口吃 , 只好肉 , 皮 , 汁全部分開 , 投降喇 ><"牛肉本身醃得好夠味 , 如果真係要再調味 , 可以加 d 豆板醬 2. 酸辣湯~ 酸辣湯上枱時己經唔夠熱
成晚就係咁，一邊食蟹一邊睇電視 ，台慶做完都仲未食完
而今日我地o既小小下午茶選址係清真牛肉館 , 介紹妳食牛肉餅
叫左份點心 + 湯類o既套餐 , 一碗清真蝦肉雲吞 , 食落都幾飽 ~
1. 牛肉餅
~ 下單不夠三分鐘就上枱 , 新鮮煎起 , 又燙手又燙口 , 尤其係 d 湯汁令我又愛又恨 , 愛佢o既清甜美味 , 恨佢o既無從入手 / 入口 ,
即使你幾小心幾謹慎幾輕力咬開丁點外脆內煙韌o既餅皮 ,
都仍然逃不過被溢出o既湯汁燙到 , 如果怕 ... 想放涼先食 ,咁湯汁就會浸泡餅皮 , 餅皮一旦變軟變腍 , 就好容易會穿 ,
到時莫講話輕力咬 , 可能就咁夾起 , 就己經漏晒 d 汁出黎 ,
所以話 , 呢個比高水準小籠包更灌湯加爆汁o既牛肉餅 , 真"難食"!!
多咬兩口 , 免治牛肉餡軟綿綿的 , 肉汁豐腴 , 又再度挑戰舌頭耐熱程度 ,
開始無辨法完整一口一口吃 , 只好肉 , 皮 , 汁全部分開 , 投降喇 ><"
牛肉本身醃得好夠味 , 如果真係要再調味 , 可以加 d 豆板醬
2. 酸辣湯
~ 酸辣湯上枱時己經唔夠熱 , 只係飲左少少 , 本身個湯只有辣味 ,辣係另外加左 d 辣椒油 , 配料足 , 豆乾雲耳牛肉絲荀絲等等 ,
而我最欣賞o既係佢勁多蔥花 , 添上清新爽脆o既味道 , 如夠熱實好香o者3. 清真蝦肉雲吞
~ 清真 ... 就係代表無豬肉 , 用牛肉做肉餡o既雲吞 , $ 25 有十粒蝦肉唔多 , 但好爽口好彈牙 , 牛肉較豬肉軟腍 , 有芹菜作調味 ,
雲吞皮夠薄而且都幾滑溜 , 而煮雲吞o既清湯味道清香帶甜 , 亦很不錯
## 第一次食牛肉餅 , 妳除左大叫好味之外 , 仲感到有點驚喜 ,
就係因為不論名字或外表 , 呢個牛肉餅都唔似係咁有 " 攻擊性 "
所以呢 , 如果無有經驗o既朋友陪食 , 一大啖咬落去 , 就弊傢伙喇 !!!
Post
