Video
Read full review
2017-12-12
51 views
之前睇雜誌已經見到呢間餐廳生煎包好出名，今日係大埔搵食期間竟然見到開咗分店，二話不說即時食返次啦。套餐一個主食再加一款小食包嘢飲，平均都係五十蚊左右，都幾抵食。呢度主打小籠包，每張檯都會有貼紙教你點樣慢慢食，唔駛驚渌親。小食當然係呢度最出名嘅生煎包，雖然唔係好大個，賣相金黃，記得千祈唔好大啖咬落去，因為一定會渌到個口，要慢慢吹凍先好食，生煎包內餡超多湯汁，皮唔會太厚，得兩個真係唔多夠喉。主食叫咗酸辣湯麵，份量都算大碗，呢度嘅酸辣湯配料多，可能加咗麵味道溝淡咗，個人覺得可以再辣少少，咁就更加開胃。凍豆漿只係微凍，味道唔太甜，感覺無落咁多糖健康啲。呢度不愧為生煎皇，生煎包真係好好味，下次有機會真係要試埋佢個小籠包。
套餐一個主食再加一款小食包嘢飲，平均都係五十蚊左右，都幾抵食。
呢度主打小籠包，每張檯都會有貼紙教你點樣慢慢食，唔駛驚渌親。
小食當然係呢度最出名嘅生煎包，雖然唔係好大個，賣相金黃，記得千祈唔好大啖咬落去，因為一定會渌到個口，要慢慢吹凍先好食，生煎包內餡超多湯汁，皮唔會太厚，得兩個真係唔多夠喉。
主食叫咗酸辣湯麵，份量都算大碗，呢度嘅酸辣湯配料多，可能加咗麵味道溝淡咗，個人覺得可以再辣少少，咁就更加開胃。
凍豆漿只係微凍，味道唔太甜，感覺無落咁多糖健康啲。
呢度不愧為生煎皇，生煎包真係好好味，下次有機會真係要試埋佢個小籠包。
Post
