煎餅廚房

Open Now

Now Closed

餐廳主打少見既煎餅，要食到地道既煎餅已經買少見少。鋪頭仲特登俾食客可以望着職員親手製作煎餅，可想而之，餐廳對自己既食品係非常有信心，值得讚。而且有自家製湯品、飲料賣。叫左烤鴨煎餅($41)，沙嗲豬梅肉煎餅($39)。望住師傅落勁多鴨肉好開心，每個step都唔簡單。估唔到拎上手好重好大份，滿滿既烤鴨肉餡，加埋薄脆食到chopchop聲，當lunch冇問題食完好飽。沙嗲豬梅肉煎餅又係啖啖都食到肉、青瓜，有肉汁同埋醬料，完全唔乾。豬梅肉瘦中帶dd肥肉，肉質非常腍軟，加埋沙嗲醬香口惹味，好食。整體，好難得仲搵到出色既煎餅，爆哂餡超好食。