滾得囍宮廷火鍋小炒

Open Now

Now Closed

天氣凍左最適合就係打邊爐，如果有埋滋潤湯底就最好。呢間有花膠雞湯底揀，即刻嗌咗呢款試試。康熙花膠雞湯鍋 半隻打邊爐前飲返碗金黃色濃郁雞湯暖暖先，飲完再加埋新鮮雞肉同花膠，雞肉嫩滑，再加埋大大塊花膠，成個湯底都係滿滿嘅骨膠原。手切本地牛頸脊(細)牛頸脊牛味濃郁，雪花均勻夠軟嫰。滾得囍宮廷餃子拼盤一次過試晒五款餃子，馬蹄冬菇豬肉餃，韭菜豬肉餃，芋泥豬肉餃，和牛芝士餃，菜苗帶子餃。餃子皮薄餡多。最特別嘅係芋泥餃子同和牛芝士餃子。芋泥加埋少少豬肉，口感獨特，而和牛餃子，牛味超重，成個拼盤好有驚喜。黃金雙拼（炸響鈴及炸魚皮）鹹蛋黃鋪滿每件炸響鈴同炸魚皮，口感酥脆，份量夠晒大，絕對係邪惡嘅小食。滾得囍豐盛雜菜拼盤雜菜拼盤有蕃茄，蓮藕，粟米，木耳，生菜，油麥菜，娃娃菜。每樣食材都好新鮮。手打珍珠帶子墨魚丸(半份)墨魚丸肉質彈牙好味。竹蔗茅根水竹蔗茅根夠晒清甜冰凍，打邊爐一流。呢間打邊爐，唔單止食物好味，裝修亦都充滿宮廷風，環境古典優雅，空間感十足，餐廳位置亦都鄰近北角站，交通十分方便。