大家樂 (Closed)

呢晚收工, 同男友仔 2 個返到元朗....又係時候諗下食咩好, 呵呵~咁o岩路過大家樂, 懶得煩, 一於上去試下出左一陣子既爵士牛啦!!因為唔肚餓既關係, 所以叫左...一個爵士 set + 甜品同男友仔 share =)交完飛仔就坐低等 number 到...等左 2 分鐘左右就有得拎嚕~睇落好豐富耶, 不過隻牛就無想像中咁大隻....而且, 個鐵板亦唔太夠熱, 因為落汁既時候無 "炸炸聲", 只有少少類似水滾既泡泡~食味方面, 肉質唔錯的, 不過食到少少梳打粉味..黑椒汁味道就 good good =)至於個酥皮湯, 酥皮明顯焗得未夠時候, 黃黃白白的, 完全唔係金黃色...湯係 ok 既, 濃郁又多料, 真係有翅的喲~甜品呢, 我地揀左 "木糠布甸"...布甸好滑又唔太甜, 唔錯!可惜木糠唔夠, 得面果層少少, 所以食到一半左右就開始覺得膩嚕...而飲品我地揀左 "芒果乳酸", 清清既芒果味夾住微酸既乳酪味, 唔錯 =)不過男友仔就嫌佢個芒果味太淡 =P整體還可以啦, 加油!!