樂天客棧 (Closed)

呢間新派中菜開咗一段日子，但從來都冇幫襯過，於是細佬就趁父親節提議去試。味道中規中矩，唔算有驚喜，聽落好特色嘅菜式，例如咖啡雞，食落其實同想像中差不多，但貌似最普通嘅紅燒素豆腐竟然超好味，雖然豆腐豆味唔夠濃，但口感超滑，個金銀蛋菠菜都好食，連湯都可以飲。個三杯鴕鳥肉煲偏甜，我冇寫錯，真係有甜味嘅，細佬話吊味嘅九層塔好食過啲肉喎！個藥材湯好正路，當歸味唔太勁，甘甘哋，幾好飲，但好油！因為隻雞冇剝皮，但熱飲，撇一撇油後飲其實ok的。酥炸淮山粉有啲厚，個香酥南乳五花肉我覺得唔好食，好熱氣，但屋企人覺得ok，反而個炸海鮮油條幾好味。