香港老飯店 (Moved) New Location

父親節一早訂定慶祝，分了6點及8點時段，雖然我訂了6點，但全場滿座。燻蛋合桃-合桃是來貨，只係配角。主角的燻蛋我覺得比留園還要濃味，只差了唔夠溏心。燻魚-魚內唔會又乾又"鞋"，可惜醬汁較甜。棒棒雞-即是雞絲粉皮，雞肉唔錯，粉皮唔夠滑，而我最鍾意食的麻醬唔夠多又唔夠香。這個冷盤王府做得仲好食。紅燒圓蹄-因為父親節的關係，破例準老豆食一次啦。真的估唔到有咁大隻，食晒佢真係可以唔駛食其他，180蚊唔算貴。雖然顏色好深，但肉質唔夠入味，而且有點兒韌，媽媽認為蘇浙做得最好食。乾燒四季豆-炒得唔會乾。小龍包-一籠10隻，80蚊，唔係平，不過一分價錢一分貨，皮薄又夠多汁。上海粗炒-我鍾意呢個上海粗炒，好有舊式上海舖的味道，不過佢o地嫌麵身較硬。擔擔麵-完全唔正宗。飯後有小生果盤，附上一瓶類似胡椒粉的物體，再細問之下原來係話梅粉，用來點生果會甜D。本來仲想叫甜品，但那隻圓蹄已經消滅我o地，已沒有quota再食甜品。下次有機會再o黎試大大的蔥油餅。