正九清湯腩 (餘慶大廈)

Open Now

Now Closed

今日趕住去佐敦開會，但又未食飯，求其入了間粉麵舖，點知食物有驚喜。有名叫正九清湯腩，點可以唔食牛腩，牛腩都有幾款，崩沙腩、坑腩及爽腩，各有特色。清湯爽腩米拼墨丸：爽腩是筋肉位，筋位爽口，帶少許肉，所以肉質嫩腍，想食有咬口既部份一定選爽腩，米粉是用新竹米粉，所以爽口不易浸腍，湯底清甜有肉香。清湯牛三寶麵拼雲吞：雲吞是菜肉餡，牛三寶包括牛肚、牛腩及牛筋，牛筋不會炆至入口溶化，不過都夠腍，膠質豐富，牛腩帶點肥膏，肉質嫩腍不鞋口。最後還加了個腩汁蘿蔔，蘿蔔完全無渣，入口鬆化又甜。