千里屋食堂 (Closed)

食牛專門店近年多了，價格偏貴，當然品質一定有番咁上下。最近銅鑼灣原來開了間日式牛丼專門店，上網睇過價格，價錢相當合理，於是乎走去試下。店子小小，食堂風格。日藉老板在門外派宣傳單張，親力親為。店員服務態度也不錯，全是日本人管理模式。壽喜燒升級版套餐 $189講明升級版即係材料靚啲啦！牛肉鮮嫰色澤，入口鬆化，少少的脂肪位不覺膩反而増添脂香，再蘸少許生雞蛋，口感更加滑溜。壽喜燒最講究湯汁，甜甜地好惹味，所有配菜吸收了湯汁精華，滋味無窮。套餐另有小食兩款，蛋卷和煮物，還有麵豉湯和白飯，其實份量頗多，超級抵食！