Video
Read full review
2021-04-03
4306 views
今晚同一位北角人食飯，佢話北角滙有一間牛牛日式火鍋放題都幾多人幫襯，大家都好喜歡shabu shabu, 所以就去試下。呢間牛牛都幾半自助式，除咗蔬菜丸類飲品雪糕同其他日式火鍋一樣都係自己出去拎，呢度連加湯都可以自助，點肉類海鮮就可以掃QR code落單，好方便。我哋揀咗價錢最貴嘅美國牛小排牛舌放題，火鍋時間係90分鐘，揀呢個主要係因為佢有海鮮欽點，仲有清酒同Asahi啤酒任飲，啱晒酒鬼嘅朋友。蔬菜丸類小食嘅種類十分多，睇圖啦唔講咁多，我最欣賞係佢嘅羽衣甘藍係有紫色嗰隻，係好味好多㗎 ！我哋夾咗勁多來食。飲品有自家炮製嘅茶或者罐裝飲品，梗有幾款啱你。呢度嘅上菜速度都幾快，當我哋未夾完蔬菜，壽喜燒湯底、兩碟牛、牛舌、海鮮（有剝左殼嘅蝦、鮑魚、扇貝、青口）、墨魚滑已經到齊。全部牛小排肥瘦適中，勁有牛味，我覺得好好食，絕對值得比多幾十蚊去upgrade。而且佢哋水準穩定，第一碟牛小排同之後嚟嘅都係一樣質素咁好。牛舌都唔錯，另外我哋都叫咗豬梅肉，又係好味道，一啲都唔肥。海鮮亦都唔差，他已經剝咗殼， 食時好方便，而且係新鮮爽口的。鮑魚我哋encore左幾次，好彈牙好正。扇貝大大粒，同青口一樣都好
呢間牛牛都幾半自助式，除咗蔬菜丸類飲品雪糕同其他日式火鍋一樣都係自己出去拎，呢度連加湯都可以自助，點肉類海鮮就可以掃QR code落單，好方便。
我哋揀咗價錢最貴嘅美國牛小排牛舌放題，火鍋時間係90分鐘，揀呢個主要係因為佢有海鮮欽點，仲有清酒同Asahi啤酒任飲，啱晒酒鬼嘅朋友。
蔬菜丸類小食嘅種類十分多，睇圖啦唔講咁多，我最欣賞係佢嘅羽衣甘藍係有紫色嗰隻，係好味好多㗎 ！我哋夾咗勁多來食。
90 views
0 likes
0 comments
76 views
0 likes
0 comments
飲品有自家炮製嘅茶或者罐裝飲品，梗有幾款啱你。
呢度嘅上菜速度都幾快，當我哋未夾完蔬菜，壽喜燒湯底、兩碟牛、牛舌、海鮮（有剝左殼嘅蝦、鮑魚、扇貝、青口）、墨魚滑已經到齊。
全部牛小排肥瘦適中，勁有牛味，我覺得好好食，絕對值得比多幾十蚊去upgrade。而且佢哋水準穩定，第一碟牛小排同之後嚟嘅都係一樣質素咁好。牛舌都唔錯，另外我哋都叫咗豬梅肉，又係好味道，一啲都唔肥。
31 views
0 likes
0 comments
海鮮亦都唔差，他已經剝咗殼， 食時好方便，而且係新鮮爽口的。鮑魚我哋encore左幾次，好彈牙好正。扇貝大大粒，同青口一樣都好新鮮。
25 views
0 likes
0 comments
墨魚滑好大盒，個盒有啲難開，不過搵咗姐姐幫我哋開，佢都好幫手，出盡九牛二虎之力終於都開到，辛苦晒佢。不過我哋兩個人食唔晒咁大盒墨魚滑，如果可以細盒啲就唔使浪費。
我哋好努力咁係咁刷係咁刷，轉眼就食咗一個鐘有多，係時候食甜品啦！
18 views
0 likes
0 comments
甜品就有movenpick雪糕、大腳板薯條同埋Oreo雪條揀，我就梗係movenpick啦, my favorite呀！
Post
