坤記牛腩 (Closed)

晚上有事、所以5 點多就要開飯、路經九龍城、一於嚟坤記牛腩試一試。由於時間尚早、基本上只有二、三枱客在用饍、非常舒服。～ 清甜蘿蔔好、夠清甜腍滑、火喉足、睇得出老細願意買好嘢奉客。如果要挑剔的話湯頭唔夠熱、加上舖頭冷氣強、不用2分鐘成碗蘿蔔就涼哂、味道也打了節扣。。。賣$23 蚊一碗但比足料！～ 牛丸、墨魚丸米加腩汁走蔥好、好、今次成碗嘢熱辣辣、湯頭清爽可口、火喉足。牛丸係選用牛筋丸、牛味足、墨魚丸爽口料靚！～ 咖哩牛腩飯可以、雖然咖哩汁標榜係師傅用咗37年功力嘅秘方、不過。。。作為一個咖哩粉絲的我、個人對港式茶餐廳的咖哩汁並沒有太大愛好。。。。。。賣$54 蚊一碟非常合理！