火鍋煮場 (Closed)

牛塔有霸氣，三層牛分別有唔同部位，乜都試下。第一層係牛白肉同安格斯牛柳粒。第二層有牛舌芯拼牛展。第三層係最闊嘅，分別放咗安格斯牛小排同埋日本和牛。咁多款牛肉之中我覺得最好食係安格斯牛小排，牛味濃香，肉質夠嫩，脂肪分佈均勻。第二好味嘅我會揀第一層嘅牛白肉，爽口夠彈性。和牛肉只係排第三，此終和牛真係比較油少少。象拔蚌刺身好新鮮，打邊爐前食吓先有一種幸福嘅感覺。炸響鈴超好食，即叫即炸夠晒新鮮。另外d啤酒好抵飲，$1一支德國啤平到痴左線，仲要係德國啤酒，而且味道真係好，仲有8款任揀，真係超誇張。