Video
Read full review
2021-03-21
218 views
上年食過「牛大人台灣火鍋吃到飽」真係令我好難忘😍，⼀直都好想再食，但好難訂位加上又疫情第N波。朋友話午市好似易啲食到，於是星期日我哋的起心肝早啲起身，去尖沙咀店等佢開門！果然有唔少人同我哋嘅諗法一樣，門口企咗唔少人，但墟冚程度就無晚市咁誇張，等店員安排入座好快就搞掂。值得一讚係店員好好人，主動提我哋用App做會員填問卷，就可獲得優惠券👍。90分鐘午餐吃到飽有分三級套餐，分別係$138嘅精選嫩牛、$168嘅特級安格斯同$198嘅極上和牛，星期六日同假期就每位加$10。嚟得食，我哋就當然揀咗最貴個餐，唔係點吃到飽啊😎？對我哋咁食得嘅人嚟講，90分鐘打邊爐🍲係唔太夠時間，所以我哋嘅策略係一開始就拎多啲嘢食，減少行出去嘅次數，係咁食、係咁食，反正枱面都夠位擺。哈哈，講笑啫。先講肉類部份🥩，午餐選擇明顯比晚市少，就算最貴個餐都係得三款牛肉、兩款豬肉同一款雞肉揀。如果食封門柳等其他部位，就好似要加錢逐份單點。我哋食咗四款肉4️⃣，由左至右分別係上腹牛五花、安格斯特選牛板腱、澳洲和牛M5牛肩卷以及西班牙豬五花片。老實講就係肉嘅質素同套餐價錢成正比，所以從食物選擇同味道方面出發，我比較建議揀至少$168個
上年食過「牛大人台灣火鍋吃到飽」真係令我好難忘😍，⼀直都好想再食，但好難訂位加上又疫情第N波。朋友話午市好似易啲食到，於是星期日我哋的起心肝早啲起身，去尖沙咀店等佢開門！
果然有唔少人同我哋嘅諗法一樣，門口企咗唔少人，但墟冚程度就無晚市咁誇張，等店員安排入座好快就搞掂。值得一讚係店員好好人，主動提我哋用App做會員填問卷，就可獲得優惠券👍。
90分鐘午餐吃到飽有分三級套餐，分別係$138嘅精選嫩牛、$168嘅特級安格斯同$198嘅極上和牛，星期六日同假期就每位加$10。嚟得食，我哋就當然揀咗最貴個餐，唔係點吃到飽啊😎？
對我哋咁食得嘅人嚟講，90分鐘打邊爐🍲係唔太夠時間，所以我哋嘅策略係一開始就拎多啲嘢食，減少行出去嘅次數，係咁食、係咁食，反正枱面都夠位擺。哈哈，講笑啫。
先講肉類部份🥩，午餐選擇明顯比晚市少，就算最貴個餐都係得三款牛肉、兩款豬肉同一款雞肉揀。如果食封門柳等其他部位，就好似要加錢逐份單點。我哋食咗四款肉4️⃣，由左至右分別係上腹牛五花、安格斯特選牛板腱、澳洲和牛M5牛肩卷以及西班牙豬五花片。老實講就係肉嘅質素同套餐價錢成正比，所以從食物選擇同味道方面出發，我比較建議揀至少$168個餐。牛五花同豬五花偏向薄身，肉味一般。
澳洲和牛M5牛肩卷
9 views
0 likes
0 comments
安格斯特選牛板腱
10 views
0 likes
0 comments
食完嘅碟可以幢到咁高，可想而知我哋食咗幾多🙈。不過個量又唔係真係咁誇嘅，因為一碟都係得兩至三片，但勝在可以任叫、上菜快加唔會漏單。另外，我必須講返其實店員係好勤力收碟㗎，只係我哋唔畀佢收。
牛媽秘製滷牛筋同牛媽秘製滷牛肚，呢兩樣唔知係咪已經熟咗，就咁食得🤔？佢哋兩款令我聯想起牛三寶麵。
章魚珍珠漿同真味牛肉漿，牛大人喺呢類「手打滑」方面提供多個選項。前者口感唔算彈牙，但真係食得出章魚粒🐙。一條漿嘅份量大約分到四粒至六粒，所以每款口味叫哂就未必食得哂。
台式蛋餃同台式蝦餃，🍳蛋餃好特別，蛋皮代替傳統餃子皮包裹肉餡，而後者就係長條形，有薄薄嘅蝦膠層🍤。
瓜仔雞水餃
6 views
0 likes
0 comments
上述介紹嘅食品都係用電話落單嘅項目，但其實自助區有三大個雪櫃放滿五花八門嘅丸類同蔬菜等配料。我唔貪心，每樣拎一款就好了😚。我最推介就係龍蝦沙拉丸、竹炭海鮮包、萵筍同粟米等。留意返，響鈴係放喺醬料區嗰邊㗎。
牛大人紅燒牛骨鍋
4 views
0 likes
0 comments
醬料區有基本醬油、辣椒同蔥等配料，另外仲有一款洋蔥牛肉醬添，配牛肉食係幾唔錯！
18+冬瓜茶
$38
4 views
0 likes
0 comments
牛大人除咗牛外，枝裝冷泡茶都係招牌之一。四款冷泡茶各有特式，我比較偏愛洛神花茶同白桃烏龍茶🍵。
晚市食每人會送一杯牌子雪糕，而尖沙咀店嘅午市就有提供自家製雪糕杯🍨，雖然得一款口味：豆腐味，但誠意可嘉啊。
總括嚟講，午餐食牛大人舒服啲，因為冇咁多人，亦免卻等位之苦🙈，價錢亦都平過晚市，但食物選擇就唔算非常豐富，不過夠食有突。題外話，尖沙咀店仲有提供一人一鍋定量午餐，細食嘅人可考慮佢。最後，我分享埋餐廳自取區環境嘅相片以供參考🙏🏻。
Post
