牛大人台灣火鍋吃到飽 (荷李活商業中心)

Open Now

Now Closed

打邊爐有高級和牛放題既好少，牛大人就係其中一間🤩揀好左湯底後，即刻order碟和牛試一試，好快就送到！睇d花紋就知道係高級和牛，係平時係d高級超市唔捨得買果d和牛呀🥩和牛入口即溶咁，好香既牛味，食完一碟即刻馬上叫多碟。除左和牛之外，仲有其他牛，包括美國牛、封門柳等，全部都好有牛味，鐘意食牛既一定要去牛大人試下。依加惠顧 牛大人嘅120分鐘日本A4黑毛和牛火鍋放題，仲會贈送M9和牛牛丸 同 海鮮拼盤🦐🐟係高級海鮮，有鮑魚、生蠔🦪扇貝㗎！小食類別有『鮑魚三吃』古法醉鮑魚、炭燒鹽蔥鮑魚、柚子燒汁鮑魚，都係任食！！除左高檔食材，仲有一大堆既食材任點，例如鴨血、鹽酥雞、其他台式小食等而自助吧，有各類蔬菜、菇類、麵類等等提供。當然唔少得既就係有各種飲品提供，仲有特色茶類，包括冬瓜茶、鴨屎香檸檬茶，選擇多元化。甜點梗係要食1月新聯乘KITKAT脆皮雪糕批啦！超多嘢食又坐得舒適，怪唔得知平日都爆滿啦！