Video
Read full review
2008-06-10
自從上次Zeffirino人字拖魚魚事件後, 巳經好耐無同我果位朋友食飯了. 佢生左日好耐, 但大家遲遲未有機會食番餐. 最後終於定到日子. 朋友任我發辦, 我揀左呢庶.好耐無來Jimmy's Kitchen了. 記得第一次來, 係同我初戀男友共渡第一個情人節, 果陣仲係第一次食心形牛扒呢. 本來想試中環果間, 但見佢尖咀呢間新裝修完, 又好奇想走來睇下. 搬左位, 裝修後變左Bar and Restaurant, 格局有d似Dan Ryan's 果類型ge餐廳, 同以前舊舊地細細地暗暗地有點浪漫氣氣的模樣好唔同, 不過坐落幾舒服, 請朋友食飯, arm哂.食左一個前菜, 一個湯, 兩個Main Course, 全部份量十足, 水準亦唔錯, 尤其個牛尾, 係我食過數一數二好的!!食左: 1) 麵飽 - 普普通通, 可以唔理.2) Sparkling Water - 皮膚敏感未完全好番, 而且跟住果晚又一定會飲, 所以都係忍一忍.3) 法式洋蔥湯 - 好香甜濃郁, 係嫌面頭果層芝士焗得唔夠焦脆.4) 蟹肉牛油果Cocktail: 好大份, 沙律菜幾fresh同crunchy, 蟹肉幾大粒
好耐無來Jimmy's Kitchen了. 記得第一次來, 係同我初戀男友共渡第一個情人節, 果陣仲係第一次食心形牛扒呢.
本來想試中環果間, 但見佢尖咀呢間新裝修完, 又好奇想走來睇下. 搬左位, 裝修後變左Bar and Restaurant, 格局有d似Dan Ryan's 果類型ge餐廳, 同以前舊舊地細細地暗暗地有點浪漫氣氣的模樣好唔同, 不過坐落幾舒服, 請朋友食飯, arm哂.
食左一個前菜, 一個湯, 兩個Main Course, 全部份量十足, 水準亦唔錯, 尤其個牛尾, 係我食過數一數二好的!!
食左:
1) 麵飽 - 普普通通, 可以唔理.
2) Sparkling Water - 皮膚敏感未完全好番, 而且跟住果晚又一定會飲, 所以都係忍一忍.
3) 法式洋蔥湯 - 好香甜濃郁, 係嫌面頭果層芝士焗得唔夠焦脆.
4) 蟹肉牛油果Cocktail: 好大份, 沙律菜幾fresh同crunchy, 蟹肉幾大粒, 份量都唔少, 牛油果就唔多靚, 個seafood dressing 亦鹹了小小.
5) 紅酒燴牛尾 - 聽KC講佢以前同太平館一樣係新鮮連皮炆的. 呢個雖然無左層皮, 但都極為好食. 份量超巨, 一共有4碌. 除左一碌比較瘦外, 其餘碌碌都帶甘香的肥脂, 肉質亦炆得非常鬆化嫩滑, 個汁亦勁正, 紅酒份量點到即止, 充滿牛尾的鮮肉香, 好味到不得了, 我當左佢做gravy, 用來點薯條撈薯蓉.
跟餐的薯蓉雖然唔算神奇, 但都非常美味, 滑得來仍然保留一份質感, 亦充滿牛油香, 飽都要食哂佢.
6) 燒春雞 - 燒得香噴噴, 熱辣辣, 肉質極為鮮嫩, 連雞胸都嫩. 伴碟的薯條都炸得熱辣脆口, 好好食.
大家都食得又飽又愜意, 朋友仲話呢餐係佢食過最開心的生日飯呢!
服務當然一流, 之前果班叔叔都過哂來. 個個仍舊親切友善. 而且上菜速度又快, 我由8點坐定, 連諗食乜, 點菜, 食埋, 飛的返到屋企都係9:45p.m咋!
Post
