Video
Read full review
2023-08-05
66 views
和牛燒肉一郎，之前同朋友係將軍澳食過，質素真心一絕，印象深刻，今晚同阿仔慶祝食生日飯，佢不嬲都係無肉不歡，即時諗起呢個燒肉店品牌，今晚選擇位於佐敦呢間分店，燒肉店門口例牌有隻巨大鐵和牛作生招牌，都係一個必定打卡位😋。今晚一行三人，order左餐牌E餐，星期一至四只須每位$598，就可以120分鐘任飲任食，品嚐海鮮及日本黑毛和牛12款不同部位😋。餐廳非常闊大，全部卡位，座得非常舒適，抽風系統亦做得非常好，而且貼心每位都會有一件即棄圍裙👍🏻。店內自選區有各式各樣汽水，果汁，花茶飲品、韓國雪糕雪條凍櫃、沙律🥗、最特別係有爆谷同兒時見過由糖粒慢慢卷成一大團嘅棉花糖機，呢個一定會吸引好多小朋友。坐低好快店員就送上一盤指定海鮮同和牛併盤，海鮮有一隻原條魷魚🦑，非常吸睛，仲有大蝦同青口；和牛有（和牛牛肋條、牛肋肉、肉眼、三角腹肉、里脊肉、牛肉角切）之後重頭戲，店員送上三塊和牛肩胛肉😋。首先必定先燒肩胛肉，油花分怖非常均勻，薄薄一塊，只須每邊燒十數秒，兩邊微焦即可，首先一半試下原味，入口油花灌頂，口腔充斥滿滿油香；之後一半蘸點溫泉蛋，更加順滑甘香。和牛併盤之中牛肋條同牛腹肉油花最多，非常甘香；其他部位
今晚一行三人，order左餐牌E餐，星期一至四只須每位$598，就可以120分鐘任飲任食，品嚐海鮮及日本黑毛和牛12款不同部位😋。餐廳非常闊大，全部卡位，座得非常舒適，抽風系統亦做得非常好，而且貼心每位都會有一件即棄圍裙👍🏻。
店內自選區有各式各樣汽水，果汁，花茶飲品、韓國雪糕雪條凍櫃、沙律🥗、最特別係有爆谷同兒時見過由糖粒慢慢卷成一大團嘅棉花糖機，呢個一定會吸引好多小朋友。
坐低好快店員就送上一盤指定海鮮同和牛併盤，海鮮有一隻原條魷魚🦑，非常吸睛，仲有大蝦同青口；和牛有（和牛牛肋條、牛肋肉、肉眼、三角腹肉、里脊肉、牛肉角切）之後重頭戲，店員送上三塊和牛肩胛肉😋。
首先必定先燒肩胛肉，油花分怖非常均勻，薄薄一塊，只須每邊燒十數秒，兩邊微焦即可，首先一半試下原味，入口油花灌頂，口腔充斥滿滿油香；之後一半蘸點溫泉蛋，更加順滑甘香。和牛併盤之中牛肋條同牛腹肉油花最多，非常甘香；其他部位就帶有咬口，牛味香濃。鍾意食油花較重嘅可以選擇牛肉眼、牛肋條同三角腹就最正。牛腹肉油花分佈極為豐富，脂肪之細膩絕對達到入口即溶的嘅程度；牛肋條同肉眼除左油脂豐厚外，就比較有咬口。
牛里肉同牛肋肉油脂就冇咁豐富，勝在有咬口，牛味濃郁。
厚牛舌同蔥花薄牛舌😋，厚牛舌兩邊燒至焦香，入口中間舌肉鬆軟，只須用些小岩鹽作調味味道已足夠；蔥花薄牛舌，加上蔥花及蘿蔔蓉，味道更清香。總捨黎講和牛每個部位都冇得輸，牛控大滿足😋。
和牛壽司🍣鮮味極之濃郁，呢個都極之推介👍🏻。
Post
