Fûhn (The L. Square) (Closed)

對上一次去越南，我諗都已經有差不多兩年嘅時間，當時最印象深刻係同朋友一齊由胡志明搭大巴去峴港，因為一搭就搭左我三十個鐘，不過呢啲都係試過一次就好，對我黎講長途機基本上都唔夠我個次耐。呢次我同旅友B落左銅記食越南野，今次黎真係有驚喜，因為餐牌都更新過，見到都唔少新野食，而且店內裝修過，環境好舒適，有格調。主食方面，我地分別叫左日本和牛肉和牛丸湯粉，同埋特別牛湯粉。其實呢兩碗都係好正，和牛個碗啲牛味好濃，特別係咬牛丸個下，啲牛味出哂黎，越食越有味，雖然得和牛肉同牛丸，但係份量好夠呀。而特別牛湯粉嘅特別之處就係牛嘅部位較多，份量亦都好足。小食方面，我地嗌左軟殼蟹米紙卷，食呢個嘅時候最緊要係點個醬汁，因為好夾同埋風味提升哂，軟殼蟹炸得夠酥脆，係唔錯嘅。飲品就叫左牛油果奶昔同蝶豆花青檸梳打，兩杯都好值得推薦嘅。難得可以過下越南癮真係唔錯，下次心癮起又可以過黎食下啦。