Verde MAR (Closed)

西營盤水街有間以牛油果🥑為主題既墨西哥餐廳，主打新鮮健康。店內綠化佈置，環境舒服 。除咗原有墨西哥藝術元素，仲加左好多聖誕裝飾🎄，好有節日氣氛，感覺好chill 。AVOCADO ROMAINE SALAD $149沙律菜、蕃茄仔新鮮爽甜，配上墨西哥牛油果 ，食落同超市買到既牛油果就是不一樣 。沙律dressing 醬汁，酸酸甜甜，配搭恰巧，非常開胃 。CHILAQUILES $98呢個菜式好特別，用洋蔥，蕃茄，酸忌廉，薄荷，青辣椒調左個汁，淋上Nachos 上面，味道香辣，濕濕地咁食Nachos 都係第一次！另配有斑豆蓉，雞蛋，有營好食 。TACO (3PCS) $99Taco 三件不同配料，分別：雞肉、傳統豬肉、牛肉。調料有牛油果醬（guacamole）、碎番茄粒、洋蔥粒、芝士，用軟餅皮包住食，啖啖都好豐富☺️另上2種salsa 醬，可因應個人口味適量加入 。
SLOW COOKED BEEF CHEEK BARBACOA $189叫左個招牌慢煮牛面肉，燉出黎個湯底好清甜，可因應喜好加入蔥花，洋蔥粒調味。牛面肉燉得十分軟腍，用叉輕壓肉質輕易化開，牛味濃郁，非常好味，配有3塊薄餅，飽肚