Brass Spoon (Changed Hand)

今日瞓完晏覺有少少肚餓，於是換衫行落去睇吓有乜嘢依下肚仔先，行出去喺屋企樓下，見間Brass Spoon日日都排隊，今日竟然冇乜人排隊，就排下隊先，好快就到我，可以入到去，叫咗一碗生牛肉湯河先。好快生牛肉湯河已經送到我面前，即刻飲啖牛肉湯先，入口鮮甜無比，之後再食片牛肉，同之前一樣係好淋，係入口即溶嗰種，而河粉好滑，索埋牛肉湯，簡直係人生一大享受😋而配菜同牛肉份量都唔少，食量唔大嘅你，一定夠飽。如果見唔到人排隊，唔使等咁耐我一定會再嚟食。