Video
Read full review
2008-07-14
52 views
牛皇星搬咗啦，搬咗去隔離幾個舖位，吳松街149號至係正確，原舖153號已經轉咗一間日本料理！！係舊舖食過，啲牛肉款式真係好多，都幾特別。今次朋友話想去，於是再去一次。新舖梗比舊舖乾淨，不過打邊爐都好難唔攪到成身味。舖位係大咗，好奇怪既係坐位無覺得闊落咗，主要都係因為老闆好識得「善用空間」。款式同以前一樣，多咗好多海鮮，但係食物水準似乎唔及舊時1. 特級肥牛：Okay啦，但係幾貴喎2. 牛粒：多咗好多肥肉，少咗牛肉鮮味3. 牛脊：唔韌，不過無咗之前入口溶化種感覺，一啲都無牛味本來啲伙計推介叫我哋食刺身，不過係火鍋店裡面食刺身都似乎幾冒險，所以都係婉拒啦！走既時候先發現好彩無叫刺身，原來佢哋會將啲食物「運過」去對面自己間同名茶餐廳（夜晚變咗打邊爐），雖然有蓋蓋住，但係好難想像係食成千蚊既舖頭都會有呢種情景出現，認真係奇景！
牛皇星搬咗啦，搬咗去隔離幾個舖位，吳松街149號至係正確，原舖153號已經轉咗一間日本料理！！
係舊舖食過，啲牛肉款式真係好多，都幾特別。今次朋友話想去，於是再去一次。
新舖梗比舊舖乾淨，不過打邊爐都好難唔攪到成身味。舖位係大咗，好奇怪既係坐位無覺得闊落咗，主要都係因為老闆好識得「善用空間」。款式同以前一樣，多咗好多海鮮，但係食物水準似乎唔及舊時
1. 特級肥牛：Okay啦，但係幾貴喎
2. 牛粒：多咗好多肥肉，少咗牛肉鮮味
3. 牛脊：唔韌，不過無咗之前入口溶化種感覺，一啲都無牛味
本來啲伙計推介叫我哋食刺身，不過係火鍋店裡面食刺身都似乎幾冒險，所以都係婉拒啦！走既時候先發現好彩無叫刺身，原來佢哋會將啲食物「運過」去對面自己間同名茶餐廳（夜晚變咗打邊爐），雖然有蓋蓋住，但係好難想像係食成千蚊既舖頭都會有呢種情景出現，認真係奇景！
Post
