牛石料理 (Closed)

好耐無食過咁高質咁好食既日本料理，呢間係九龍城既真係值得推薦，鋪頭唔係好大，但師傅用心煮食，食材又保證新鮮，淨係睇到啲活海鮮係門口水缸游黎游去都夠晒信心！🧡海膽杯海膽杯既海膽好足料，差唔蛋半排海膽放晒落去，三文魚籽都好多，充滿魚鮮味同埋海膽既鮮甜香滑，一啖食到海膽同三文魚籽夠晒滿足，滿口鮮甜，爆分！❤️鮑魚刺身鮑魚整做刺身，口感唔會係好淋，反而幾爽脆，幾有咬口，同埋食得出鮑魚既鮮甜，係甘甜既，唔點豉油就咁食味道就更加突出！💛日式燒雞翼串燒黎講一定要試燒雞翼，新鮮燒起，雞翼好脆皮，有啲焦香，但肉質就仲係好滿好嫩，加埋少少鹽燒，口感味道無得陣！💚豚肉蘆筍卷豚肉同蘆筍真係好夾，尤其是蘆筍夠新鮮夠爽甜，豚肉又薄又腍，燒完出黎啲油香已經好惹味，少少焦香既豚肉食落真係好香！