Video
Read full review
2007-11-18
14 views
正所謂好野自然受歡迎, 好食物就自然想食多幾次, 師傅我亦都唔例外, 兩星期前首次試過呢間食店後真係一試難忘, 於是乎早幾日忍唔住再黎多次, 滿足一番!一早就打電話去訂定位, 如果唔係都唔使指意有打邊爐喇! 今次去到被安排坐地下, 感覺更舒服! 商量一輪後決定要左個鴛鴦湯底, 一碟大既雪花肥牛, 一碟牛舌, 一碟鯇魚片, 魚皮餃, 雙拼丸, 珊瑚螃, 鵝腸, 海參, 生菜, 皇帝菜同埋芋絲!先講下個湯底, 同上次一樣清湯有豆腐, 粟米, 黃芽蔔同埋紅蘿蔔, d料好足, 而且栗米好甜, 紅蘿蔔好甜好腍; 而今次個沙爹湯底就好濃, 沙爹就夠香不過唔算辣, 仍然好惹味; 雪花肥牛都幾大碟, 肥牛今次要左牛腋位, 牛肉本身好新鮮, 又有牛肉味, 真係唔使點咬, 入口即溶, 好味到冇得頂; 牛舌就特別d, 有d好鬆好腍, 有d就好爽帶韌, 鬆牛舌就好正, 真係唔使點咬就可以吞, 韌牛舌就好有咬口, 師傅偏向鍾意腍, 感覺一般啦; 鯇魚片師傅就冇食, 不過見魚片非常新鮮而且一d都唔腥, 應該唔差; 魚皮餃就依然好細粒, 但今次就好入味, 皮唔韌加上索埋個沙爹湯底, 好鬼正; 雙拼丸有魚蛋同埋貢丸,
一早就打電話去訂定位, 如果唔係都唔使指意有打邊爐喇! 今次去到被安排坐地下, 感覺更舒服! 商量一輪後決定要左個鴛鴦湯底, 一碟大既雪花肥牛, 一碟牛舌, 一碟鯇魚片, 魚皮餃, 雙拼丸, 珊瑚螃, 鵝腸, 海參, 生菜, 皇帝菜同埋芋絲!
先講下個湯底, 同上次一樣清湯有豆腐, 粟米, 黃芽蔔同埋紅蘿蔔, d料好足, 而且栗米好甜, 紅蘿蔔好甜好腍; 而今次個沙爹湯底就好濃, 沙爹就夠香不過唔算辣, 仍然好惹味; 雪花肥牛都幾大碟, 肥牛今次要左牛腋位, 牛肉本身好新鮮, 又有牛肉味, 真係唔使點咬, 入口即溶, 好味到冇得頂; 牛舌就特別d, 有d好鬆好腍, 有d就好爽帶韌, 鬆牛舌就好正, 真係唔使點咬就可以吞, 韌牛舌就好有咬口, 師傅偏向鍾意腍, 感覺一般啦; 鯇魚片師傅就冇食, 不過見魚片非常新鮮而且一d都唔腥, 應該唔差; 魚皮餃就依然好細粒, 但今次就好入味, 皮唔韌加上索埋個沙爹湯底, 好鬼正; 雙拼丸有魚蛋同埋貢丸, 魚蛋好爽口彈牙, 貢丸就好香好爽, 正呀; 珊瑚螃好新鮮, 灼一灼即食, 真係好鮮好爽口, 又係得; 鵝腸就比較肥而且比較韌, 麻麻地喇; 海參就洗得好乾淨, 一d異味都冇, 得喎; 生菜同皇帝菜就洗得好乾淨, 而且好嫩同新鮮, 份量又夠多正喎; 芋絲冇咩特別, 一般啦!
總括黎講呢間食店牛肉係師傅食過咁耐以黎最出色一間, 淨係黎食牛肉師傅已經覺得值回票價, 大膽講句"牛肉之王"都非佢莫屬; 不過如果唔食牛肉呢就真係唔好黎呢度喇, 因為呢度係以牛肉同海鮮為主! 有機會話一定會再黎, 因為真係好掂!
Post